上水遊

好耐無坐過火車 (我諗我一世都改唔到口叫「港鐵」架啦)
今日就一次過比我由紅磡總站坐到去上水 (羅湖前一個站!!)(我未去過…)
雖然係晨咁早要起身返學
雖然今日係星期日
雖然琴晚仲玩到咁夜

但原來星期日早上既火車係好舒服

首先人少，坐左成程，隔離個位都無人坐埋黎，夠哂空間感
咁少人就自然靜，邊聽歌邊睇書，好舒服
而且因為火車係會走出山洞，有自然光照住，加上新界沿路都好多樹木
睇緊「挪威的森林」既我，有一刻居然覺得自己好似身在日本既火車上

我發覺，自己愈來愈容易沈醉係一個人既世界入面；只要有書，只要有音樂……又或者聽住快歌做運動…
哈
有人既世界好似太複雜…
連選擇朋友，都要睇清楚對方有無其他機心
太累了吧
一切可否單純一點？
定係我未進化, 所以唔適合係地球居住?

話時話，今朝個堂真係幾有用
希望到時係QE MEDICINE用得著! (如果仲記得既話…)


btw 我真係勁勁勁勁 desperate 想快0的換電話!!
我要有一部新電話, 可以聽歌可以影相, 咁就連部 ipod 都可以say byebye
with everything new~
等多一個月, iphone 4 一黎香港我就會比錢買! (希望唔好太貴啦...haha)