22.5- 生日快樂

5.22

媽咪生日

同細佬妹去左佛堂上香 

咁0岩佛堂開住左收音機

又咁0岩收音機播緊個台, 係訪問緊林子祥, 同不停播佢既歌

好奇妙

媽咪唯一亦都十分中意既偶像, 就係林子祥

今日係佢生日既時候竟然咁橋比佢聽到林子祥既歌

好似特登為佢而設咁! :')

但係一路聽住林子祥既歌...一路諗返起以前我地一係電視機見到林子祥就話比佢聽「有阿lam呀!」,跟住佢就好似好緊張咁即刻沖出黎既樣...諗起好多年前有一次跟佢去睇阿 lam 演唱會佢興奮既樣.....又諗起佢係病床到, 我開 youtube 既林子祥 mv 比佢睇,佢睇得好開心既樣.......仲有爸爸話佢係最後一晚親口唱林子祥既歌比媽咪聽既情境.....................................................................

然後又會諗起都無好好為過媽咪慶祝生日....而家已經無機會.......

一諗起呢 d..........心情又平復唔到落黎......

原來琴日無論西曆定舊曆...都已經足足 3 個月

呢 3 個月內.....到而家我都仲係久唔久就忍唔住喊.....我知道如果我唔打 blog 既話, 可能都唔會咁容易 trigger 到自己...但係有時真係好掛住媽咪...又或者諗起媽咪既一 d 野........自己一個忍住忍住........我覺得好辛苦........但係又唔可以成日一喊親就搵人..........其實真係無咩可以安慰.......明知係只有時間先可以沖淡既傷感...........唯有係 blog 到打哂出黎...當係宣洩左......

樹欲靜而風不息, 子欲養而親不在..........呢句說話成日係我腦中浮出黎.....因為咁0岩我今年先0岩0岩出黎做野...媽咪就走左......

其實爸爸都變得比以前感性....有時佢係電視聽到某 d 歌....佢會話「以前聽呢 d 歌都無咩感受, 但而家再聽會覺得感受好深」

爸爸從來都唔係浪漫/會講說話氹人既人.........但我真係相信, 佢係好愛媽咪, 仲好掛住媽咪.........

好啦..打完一輪, 將所有喊哂出黎之後....係時候訓覺, 準備聽日 call....同之後 rashid 開始放 AL, 得返我自己一個頂住廣華 ortho 既死亡一周...........

================================================

day -7

已經收到電話, surprised :>